📌МЕНІҢ СЫНЫБЫМ БУЛЛИНГКЕ ҚАРСЫ

Шымкент қаласы білім басқармасына қарасты №80 IT мектеп-лицейінде «Менің сыныбым буллингке қарсы» атты Республикалық бейнероликтер челленджін ұсынады.

Челленждің мақсаты:білім алушылар арасында достық, сыйластық және қамқорлық атмосферасын қалыптастыру, сондай-ақ қорлау, мазақтау, күш көрсету сияқты теріс әрекеттердің алдын алу.

Бұл челлендж арқылы:

 Оқушылардың бір-біріне деген толеранттылық пен құрмет сезімін арттыру;

 Буллингтің түрлі түрлері (физикалық, сөзбен, кибербуллинг және т.б.) туралы ақпараттандыру;

 Мектеп ішінде қауіпсіз әрі қолайлы психологиялық орта құру;

 Әр оқушының құқығы мен қадір-қасиетін қорғауға бағытталған қоғамдық көзқарас қалыптастыру.

Буллингке қарсы тұру — тек жеке адамның емес, барлық сынып пен мектеп ұжымының ортақ міндеті. Осы челлендж арқылы біз бірлік пен мейірімділікке үндейміз.

Буллинг — бұл тек сөз емес. Ол — біреудің көңілін түсіретін, жүрегін жаралайтын әрекет. Біз бір-бірімізді ренжітпей, керісінше қолдап, құрметтеп, түсіну қажетпіз.

Ұйымдастырушы:

5 “Л” сынып жетекшісі:Саттаркулова Қ.

5 “С” сынып жетекшісі:Керімжанова С.