МЕН ОҚЫҒАН БІР КІТАП

 Шымкент қаласы білім басқапмасына қарасты №80 IT мектеп-лицейінде оқушылардың көктемгі демалыс кезінде бос уақыттарын тиімді өткізу және тұлғалық қасиеттерін дамыту мақсатында “Мен оқыған бір кітап” челленджі ұйымдастырылды. 

 "Кітап ақылына ақы сұрамайтын ең құнды қазына" деген екен түркі жұртының ұлы ақыны, ойшыл Әлішер Науаи. Осы сынды кітап туралы бірнеше құнды пікірлерді сіз де жақсы білесіз. Расында қай ғасырда да кітаптың алатын орны бөлек. Кітап кемелденуге көмектеседі. Қаншама технологиялар шығып жатыр. Бірақ бұлардың бәрі кітапты алмастыра алмасы анық. Оқыған адамның күні қашан да жарық. Біз бүгін сіздерге кітап оқудың 7 пайдасы жөнінде айтып көрейік. Түртіп алыңыз.

Кітап оқу – қоршаған ортаны, дүниені және өзін тануға көмектеседі. 

Кітап оқу – жадыны және ойлауды дамытады. Яғни, көп оқыған адам жады мықты, тез ойлап, тез қорыта алады. 

Кітап оқу – талдауға, сараптауға, өзіндік жүйелі пікір қалыптастыруға үйретеді.

Кітап оқу – көптеген табыс пен жетістіктің ең басты негізі. 

Кітап оқу – адамдармен дұрыс қарым-қатынас жасауға үйретіп, әдемі сөйлеу дағдыларын қалыптастырады.

Кітап оқу – сөздік қорды байытады және жалпы сауаттылық деңгейін арттырады. 

Кітап оқу – адам бойында бұғып жататын шығармашылық қабілеттерді дамытады.