"Біртұтас тәрбие" бағдарламасы аясында ұйымдастырылған "Қарттары бар елдің қазынасы бар" тақырыбында рухани-танымдық жиын өткізілді.

Шымкент қаласы білім басқармасына қарасты №80 IT мектеп-лицейінде 10 қазан күні "Біртұтас тәрбие"  бағдарламасы аясында ұйымдастырылған "Қарттары бар елдің қазынасы бар" тақырыбында рухани-танымдық жиын өткізілді. 

 Кездесуде Шымкент қалалық Ардагерлер кеңесі жанынан құрылған Академиялық кеңестің координаторы, Қазақстан педагогикалық Академиясының профессоры, Республикалық Ұлттық құндылықтар Академиясы ҚБ Шымкент филиалының жетекшісі Коздибаева Абила Коздибаевна және Қаратау аудандық Ардагерлер кеңесінің мүшесі Керімбеков Камил, сонымен бірге Ардагер ұстаз,  "Білім беру ісінің үздігі" Оразымбетова Ботагөз қатысты. 

   Ардагерлер "Ұлы дала ілімі — ұлттық тәрбиенің қайнар көзі" мен  "Еңбек жолымның еселенген шақтары еді" атты баяндамаларында жастарға өз тағылымы мен құндылығы терең өмірлік тәжірибесімен бөлісті. Кәсіби біліктілігі мен еңбекқорлық тәжірибесі мол зиялы қауым өкілдерімен кездесу мектеп оқушыларына ерекше әсер қалдырды. 

  Сұхбат соңында " Ой — қазына " алаңында оқушылар мен Ардагерлер арасындағы сұрақ-жауап  өткізіліп,  алғыс сөздер айтылды.