«Мен өмірді сүйемін» тақырыбында 8.9 сынып оқушыларына аутотренинг жүргізілді

Шымкент қаласының  білім басқармасына қарасты  № 80 ІТ мектеп – лицейінде 28.02-05.03.2022жж. аралығында ұйымдастырылған психологиялық апталық аясында «Мен өмірді сүйемін» тақырыбында 8.9 сынып оқушыларына аутотренинг  жүргізілді. Іс-шараны мектебіміздің  педагог-психологы С. Мырзалиева және «№3 арнаулы әлеуметтік қызметтер көрсету орталығының » психолог маманы    Н. Мухамова   және  әлеуметтік жұмыс жөніндегі маман Ұ. Жанысбаева жүргізді. Тренингтің мақсаты:  аутодеструктивті мінез-құлықтың алдын-алу,  мектеп оқушыларына өмірде адамнан асқан құндылық жоқ екендігін түсіндіре отырып, бақытты өмір сүру үшін өзін - өзі психологиялық тұрғыдан дайындауға, жеке қасиеттерін білуге тәрбиелей отырып, дұрыс қарым - қатынасқа түсу мәдениетін және жағымды «Мен» концепциясын қалыптастыру. Тренингке оқушылар белсене қатысып,  өздерін алаңдатқан сұрақтарға мамандардан жауап алды.