⚜️Наурызнама: "Ұлттық спорт" күні⚜️

Наурыз – ата-бабамыздан жеткен көктемнің, жаңарудың, береке мен бірліктің мерекесі. Осы ұлыстың ұлы күнінде ұлттық құндылықтарымызды дәріптеу – үлкен мақтаныш.

 20 наурыз  күні №80 IT мектеп-лицейінде Наурызнама аясында "Ұлттық спорт" күні атап өтілді. Бұл күн – халқымыздың қайсарлығын, ептілігін және жігерін көрсететін ұлттық ойындар мен спорт түрлерін насихаттауға арналған.

 Бағдарламада:

Асық ату – мергендік пен дәлдікті сынау; 

 Арқан тарту – командалық рух пен күш сынағы; 

 Тас көтеру – нағыз жігіттерге арналған байырғы спорт; 

 Тоғызқұмалақ — қазақ халқының дәстүрлі ұлттық ойыны, логикалық және математикалық ойлауды дамытатын стратегиялық ойын; 

Бес тас—ептілік пен саусақ-қол моторикасын дамытуға арналған ойын. 

Іс-шара соңында  ұлттық ойындарға белсене қатысқан  оқушылар  марапатталды. 

Ұлттық спорт – тек дене шынықтыру ғана емес, ата-бабамыздың өмір сүру салты мен рухын бойға сіңіру!

Баршаңызды мерекемен құттықтаймыз! Ұлттық ойындарымыз ұрпақтан-ұрпаққа жалғаса берсін!

Ұйымдастырушылар: дене шынықтыру  пәні мұғалімдері.