«Еңбегі адал жас өрен» жобасы аясында “Мамандықтар әлемі” тақырыбында кездесу

Оңтүстік Қазақтастан Медицина Академиясының интерндері, топ жетекшісі Нұрмаханова Г.Н. ДТІЖО Алтынбекова А.А. қатысуымен №80 ІТ мектеп-лицейінде «Еңбегі адал  жас өрен» жобасы аясында “Мамандықтар әлемі” тақырыбында кездесу өткізілді.

Іс-шараның барысында дәрігер Г.Н.Нұрмаханова таныстыру жұмысын жүргізіп, бұл шараның өзектілігі мен маңыздылығын атап өтті. Бүгінгі қоғамда әр мамандықтың өзіндік орны бар. «Еңбегі адал жас өрен» жобасы аясында өткізілген «Мамандықтар әлемі» шарасының мақсаты – жас ұрпаққа медицина мамандығы жөнінде түсінік беру, еңбекке құрметпен қарауға баулу, болашақта өз жолын дұрыс таңдауға бағыттау. Сонымен қатар алғашқы жәрдем жұмыстары тәжірибе жүзінде көрсетілді. Оқушылар сауалдар қойып, қызығушылықтарын танытты.