Электронды темекінің зияны мен никотиннің адам денсаулығына әсері

Шымкент қаласы білім басқармасына қарасты №80-IT лицей- мектебінде 18.09.2025 күні 8–9 сынып оқушыларының қатысуымен «Электронды темекінің зияны мен никотиннің адам денсаулығына әсері"  тақырыбында кездесу өтті.

Кездесуге  медицина ғылымдарының кандидаты, доцент, жоғары санатты терапевт және денсаулық сақтау ұйымдастырушы дәрігер Қалдыбай Садуахасұлы Ыдырысов, сондай-ақ бір топ интерн-студенттер келді.

Шара барысында оқушыларға электронды темекі мен никотиннің ағзаға тигізер зияны туралы кеңінен түсіндіріліп, арнайы бейнебаян көрсетіліп, зиянды әдеттердің алдын алу жолдары айтылды. Сонымен қатар, оқушылар кері байланыс жасап, белсенділік танытты.  ДТІЖО А.А.Алтынбекова қонақтарға ұжым атынан алғысын білдіріп, бала тәрбиесі үшін осындай сұхбаттың маңыздылығын атап  өтті.