« ҰБТ-ке сеніммен» тақырыбында психологиялық тренинг

Шымкент қаласының білім басқармасына қарасты №80 IT мектеп-лицейінде педагог-психолог С.Мырзалиева 11 сынып оқушыларын стресстік жағдайларды жеңе білуге және Ұлттық бірыңғай тестілеу кезіндегі өздеріне сенімділіктерін арттыра түсуге  көмектесу мақсатында  

« ҰБТ-ке сеніммен» тақырыбында психологиялық тренинг жүргізді. 

Тренинг барысында  күн тәртібін реттеу,  дұрыс тамақтану, дұрыс ұйқы, спортпен айналысу,  таза ауада жиі серуендеудің бітіруші түлектер үшін маңызы жөнінде баяндама оқылды.  Стрессті, негативті көңіл-күйді  жеңуге көмектесетін сергіту жаттығулары,«Шынымды айтсам» топтық жаттығулары, Изотерапия техникалары жүргізілді. Стресс тесті алынды. 

Тренинг соңында кері байланыс жүргізіліп, бітіруші түлектер өздерін алаңдатқан сұрақтарына психолог маманнан жауап алды.