ӘЛЕМ ЧЕМПИОНДАРЫМЕН КЕЗДЕСУ

Шымкент қаласы білім басқармасына қарасты

 №80 ІТ мектеп-лицейінде  

13 наурыз күні бастауыш сынып бірлестігінің он күндігінде “Өнегелі өмір “ жобасы аясында “Спорт-менің өмірімде”атты Қазақстанның еңбек сіңірген спорт шебері, аса ауыр салмақта Олимпиада ойындарының және әуесқой бокстан әлем чемпионатының күміс жүлдегері,Қазақстан бокс федерациясының вице-президенті Мұхтархан Ділдәбеков ,еліміздің Әлем және Азия чемпиондары Біржан Жақыповтармен кездесу ұйымдастырылды.

М.Ділдәбеков және Б.Жақыпов оқушыларды салауатты өмір салтын сақтауға, зиянды әдеттерден бойларын аулақ ұстап, еліне пайдасын тигізетін іспен айналысуға шақырды. Спортшының әңгімелеріне, басынан өткен оқиғаларға тәнті болған оқушылар, ел мақтанышына өздерін мазалаған сұрақтарын жолдады. Кездесу еркін форматтағы диалог түрінде жалғасты.

 Мақсаты: Оқушыларды спортты жанына серік етуге,салауатты өмір салтын сақтап,жаман әдеттерден аулақ болуға,еліміздің мәртебелі мақтаныштарына айналған азаматтарына қарап бой түзеуіне ұйытқы болу.

  Чемпиондармен кездесу өте әсерлі өтті. Өздеріне үнемі жеңіс әкелетін ұтқыр тәсілдері туралы, адал еңбекпен келетін жеңістері жайлы кеңінен әңгімелеп берді. Мұндай кездесулер оқушыларымыздың патриоттық көзқарасын қалыптастыруға, олардың арасында парасаттылық құндылықтарын насихаттауға оң ықпал етеді.

Іс-шараның өтуіне ат салысқан ДОІЖО Бейсенова Алтынай Сәрсенбайқызы бастаған бастауыш сынып ұстаздары Ергешова А, 

Үсен А, Шадманова Қ,

Наурзбаева С. ұстаздарымызға шығармашылық табыс тілейміз!