№80 IT мектеп – лицейінің ұйымдастыруымен  жазғы демалысты тиімді өткізу мақсатында кітап оқудан сайыс басталды. Сайысқа бастауыш сынып 1- 4  және  5 -11 сынып  оқушыларын қатысуға шақырамыз. Ал жеңімпаздар мен қатысушыларға қомақты сыйлықтар берілмек. 

« Ebook 80» сайтында осымен үшінші рет ұйымдастырылып отырған "Тұлға болам" атты кітап оқу сайысы жайлы кеңірек ақпарат береді.

     Кітап оқу сайысы "Оқуға құштар мектеп" жобасы аясында өтеді. Əр топтың кітабы және жүлдесі бөлек. Сайысқа қатысушылар қазақ классиктері мен әлем классиктері кітабын оқып жарысады. Қатысушылар 15 маусымнан, 15 тамызға дейін кітапты оқып бітіруі тиіс. Бастауыш буындар да осы уақыт аралығында оқыған ертегілеріне таныстырылым жіберуі шарт. Оқушылардың жас ерекшеліктеріне сай мына кітаптар беріліп отыр:

1-2 сыныпқа – ертегілер топтамасынан 10 ертегі оқып, 2-3 минуттық ролик  арқылы оқыған ертегілерін таныстыру. Талапқа сай жұмыстар ғана қабылданады.

3-4 сыныпқа – Бауыржан деген бала бар (Әлдихан Қалдыбаев) 2-3 минуттық ролик  арқылы оқыған шығармасын таныстыру. Талапқа сай жұмыстар ғана қабылданады.

5-7 сыныпқа – Сүлеймен патшаның кеніші ( Хаггард Генри)

8-11 сыныпқа – Сүлеймен қарақшы ( Момбек Әбдәкімұлы)

5-11 сыныптар үшін әр кезеңнің соңында кітап бойынша 30 сұрақтан тұратын онлайн-тест өтеді. Ал онлайн-тестіге 30 минут уақыт беріледі.

  Байқаудың шарты : (1-4 сыныптар үшін)  отбасыңызбен бірге оқып, фотосуреттермен қоса кітаптан алған әсеріңізбен бөлісе отырып,фейсбук әлеуметтік желісіне жариялап, сілтемесін төмендегі ватсап номеріне жіберіп отырыңыздар!

     Жүлде қоры:

Бастауыш буындарына:

орын – 10000т

орын – 5000т

орын – 2000т

Орта буындар үшін:

орын – 10000т

орын – 5000т

орын – 2000т

Жоғары буындар үшін:

орын – 10000т

орын – 5000т

орын – 2000т

Тамыз айының 15-не барлық жүлдегерлер анықталып, жеңімпаздарды марапаттаймыз және әлеуметтік желіге жарияланады.

8(778)-702-30-00

  №80 ІТ мектеп-лицейінің қазақ тілі мен әдебиеті пәнінің мұғалімі Жасұзақова Қойсынай Назарқұлқызы шәкірттерімен бірге Оңтүстік ШТВ телеарнасында "Таң нұры" бағдарламасында тікелей эфирде сұхбат беріп қайтты. Журналистермен кездесуге " "Мұзбалақ Мұқағали"  байқауының Гран-при жеңімпазы және  "КІТАП-LIVE" жобасының І орын жеңімпазы 6 "а"  сынып оқушысы Кәдірхан Дінмұхаммед "Абай әлемі" поэзия фестивалінің Гран-при жеңімпазы 5 "с"  сынып  оқушысы Жолынбек Дидар шақырылды. Сұхбат барысында жетекші ұстазы шәкірттері туралы, байқау туралы кереметтей ой қозғап, шәкірттері  шығармашылығынан  поэзия оқыды. Мектебіміз атынан Қаратау өнер мектебіне және КІТАП-LIVE жобасына бағалы сыйлықтармен жеңімпаздарды қуантқан  "KEREGE GROUP" құрылыс компаниясына алғыстарын білдіріп, осындай жобалар жалғасын таба беруді айтып өтті. Мектебіміздің шәкірттері биік белестерді бағындыра берсін!

ЕЛТАҢБАМ – ЕЛДІГІМ, БАЙРАҒЫМ – МАҚТАНЫШЫМ, ӘНҰРАНЫМ - АЙБЫНЫМ!

4 маусым Қазақстан Республикасының Мемлекеттік рәміздер күні қарсаңында Астана қаласының оқушылары «Әнұраным – айбыным» атты челлендж бастаған болатын. Бастамаға 5-6 жас аралығындағы 50 шақты бүлдіршін атсалысып, Шымкент, Алматы қалаларына жолдады. Шымкенттік балалар ел тарихындағы маңызды мерекеге арналған челленджді қуана қолдап, еліміздің өзге аймақтарына жолдады. 

Кішкентай патриоттардың орындауындағы Мемлекеттік Әнұранды қабыл алыңыздар!

Мемлекеттік рәміздерді қастерлеу  – отансүйгіштіктің белгісі. Қазақстанның әрбір азаматы Әнұранды жатқа айтып, Елтаңбасының тарихын түсініп, көк Туын мәңгі желбіретіп қойса, міне, осы – ұлттық рәміздерімізге деген орасан құрметтің белгісі болмақ. Өйткені ұлттық айшықты таңбалар – елін сүйген кез келген азаматтың намысын көтеріп, рухын асқақтататын мақтанышы!

Жаздың бірінші күніне дәл келетін балаларды қорғау күні – халықаралық мерекелердің бірі, оны бүкіл әлемде атап өтеді.

Адам өміріндегі ең үлкен бақыт – ұрпақ өсіру, бала тәрбиелеу. Бүгінгі бала елдің ертеңі, болашағы, ұлттың жалғасы. Иә, қай мемлекет болсын, бала тәрбиесіне ерекше көңіл бөлетіні сөзсіз. Өйткені, өскелең ұрпақ елдің ертеңгі тізгінін ұстар азаматтары. 

Бар жақсылығын балаларына көрсетіп, олардың жан-жақты тәрбиелі, саналы болып ержетуіне қамқорлығын аямайтын мемлекеттің болашағы да жарқын.

Қымбатты балалар!

Барлықтарыңызға мықты денсаулық, баянды өмір, бақытты балалық шақ тілейміз.

Жүздеріңнен қуаныш пен бақыт күлкісі кетпесін, ал жүректеріңе тек мейірім мен шапағат ұяласын.

Мереке құтты болсын!

  Шымкент қаласы Білім басқармасына қарасты №80 IT мектеп-лицейінде 25 мамыр күні "Біртұтас тәрбие бағдарламасы" аясында «Мектебім,саған мың алғыс" атты бітіруші түлектерге арналған соңғы қоңырау мерекелік іс-шарасы өткізілді.

  Салтанатты жиынға ардагер ұстаздар ,мектеп қамқоршылық кеңесінің мүшелері қатысты.  

Мектеп директоры Абдишукурова Баян Қалдыбайқызы салтанатты жиынды ашып, жас түлектерге ақ жол тіледі. 2023-2024жылдың үздіктеріне тоқталып өтті. Жиын барысында түлектердің мектепке, ұстаздарға деген ыстық ықыластары мен тілектері  үлкен қимастық сезіммен айтылды.   

 Биыл мектептерімізден орта білім алып шыққан мектеп бітірушілер үлкен өмірге қадам басты. Олардың арманы биік, көңілі алаң. Өйткені, қорытынды аттестаттау, одан кейін ұлттық бірыңғай тестілеу һәм мамандық таңдау сияқты жауапты кезең күтіп тұр. Соңғы қоңырау үні – бозбала мен бойжеткендердi арман биігіне ұшырып, үлкен өмір мектебіне шығарып салады. Сіздер үшін бүгінгі қағылар күміс қоңырау үні балдәурен балалықтың артта қалып, жауапкершілігі мол азаматтық биікке көтерілудің бастамасы. Екі нәрсе өмір бойы еңбегіңнің босқа кетпеуін қамтамасыз етеді екен, олар: ісіңде қабілетті болу және жақсы көретін жұмысыңды істеу. Сондықтан, әрдайым сын сағаттан сүрінбей өтіп, армандаған мамандықтың иесі атануларыңызға тілектеспіз!

 Үлкен өмірге жасайтын қадамдарыңыздың алғашқы сынағынан сүрінбей өтіп,ойлаған жоспарларыңыздың жүзеге асуына тілектеспіз,жас түлек!

  Барша бітіруші түлектерге сәтті қадам,жарқын болашақ тілейміз!

«БІЛІМІМ - ОТАНЫМА!» ЖАЛПЫ РЕСПУБЛИКАЛЫҚ  БІРЫҢҒАЙ ТӘРБИЕ САҒАТЫ

 Шымкент қаласы білім басқармасына қарасты 24 мамыр күні сағат 9:00де №80 IT мектеп-лицейінде  1-11 сынып білім алушыларына  "БІЛІМІМ-ОТАНЫМА" атты жалпыреспубликалық бірыңғай сынып сағаттары өткізілді.

2023-2024 оқу-жылының қорытындысында өткізілген тәрбие сағатының мақсаты: оқушыларды ұстаздарға  құрмет көрсетуге,  білім ұясына қамқор және білім алуға құштар болуға, жыл бойы алған білімінің нәтижесін қорытындылай білуге тәрбиелеу болып табылды. 

Тәрбие сағаты қаланың  барлық мектептерінде сағат 9.00-де бір мезгілде басталды. 

Тәрбие сағатының басында  ҚР – ның мемлекеттік Гимні орындалды.  

Әр сыныпта  телевизор  және  интерактивті тақта арқылы  ҚР Оқу-ағарту министрі Ғани Бектайұлы Бейсембаевтың  бейне құттықтауы көрсетілді. Сынып сағаттарында  сыныптың үздік оқушылары, түрлі спорттық жарыстар мен қоғамдық жұмыстарға белсене қатысқан оқушылар марапатталды.

Тәрбие сағаттары мазмұнды, креативті форматта өтті. Сонымен қатар 9, 11-сыныптың түлектері «Мен. Мектеп. Ұстаз» тақырыбында  мектеп қабырғасындағы балалық шақтан болашаққа қадамы туралы өз ойларын эссе жазу арқылы жеткізді.

«БІЛІМІМ - ОТАНЫМА!» ЖАЛПЫ РЕСПУБЛИКАЛЫҚ  БІРЫҢҒАЙ ТӘРБИЕ САҒАТЫ

 Шымкент қаласы білім басқармасына қарасты 24 мамыр күні сағат 9:00де №80 IT мектеп-лицейінде  1-11 сынып білім алушыларына  "БІЛІМІМ-ОТАНЫМА" атты жалпыреспубликалық бірыңғай сынып сағаттары өткізілді.

2023-2024 оқу-жылының қорытындысында өткізілген тәрбие сағатының мақсаты: оқушыларды ұстаздарға  құрмет көрсетуге,  білім ұясына қамқор және білім алуға құштар болуға, жыл бойы алған білімінің нәтижесін қорытындылай білуге тәрбиелеу болып табылды. 

Тәрбие сағаты қаланың  барлық мектептерінде сағат 9.00-де бір мезгілде басталды. 

Тәрбие сағатының басында  ҚР – ның мемлекеттік Гимні орындалды.  

Әр сыныпта  телевизор  және  интерактивті тақта арқылы  ҚР Оқу-ағарту министрі Ғани Бектайұлы Бейсембаевтың  бейне құттықтауы көрсетілді. Сынып сағаттарында  сыныптың үздік оқушылары, түрлі спорттық жарыстар мен қоғамдық жұмыстарға белсене қатысқан оқушылар марапатталды.

Тәрбие сағаттары мазмұнды, креативті форматта өтті. Сонымен қатар 9, 11-сыныптың түлектері «Мен. Мектеп. Ұстаз» тақырыбында  мектеп қабырғасындағы балалық шақтан болашаққа қадамы туралы өз ойларын эссе жазу арқылы жеткізді.

Шымкент қаласы білім басқармасына қарасты №80 ІТ мектеп-лицей әкімшілігі Қамқоршылық кеңес отырысына 2023 -2024  оқу жылында атқарылған жұмыстардың есебін  таныстырды.

Күн тәртібінде:

1. 2023-2024 және 2024-2025 оқу жыдарындағы сыныптар контингенті;

2. Мектептің материалдық – техникалық базасы;

3. Оқулықпен қамтамасыз ету; 

4. 2023-2024 оқу жылындағы  ҰБТ және білім сапасының қорытындысы;

5. Тәрбие орынбасарларының есебі 2023-2024 оқу жылы;

6. Ғылыми әдістемелік және инновациялық жұмыстар дарынды балалармен атқарылған жұмыстардың есебі;

7. Педагог-психологтың аутодеструктивті мінез-құлықтың алдын-алу бойынша атқарылған жұмыстардың есебі;

8. 2023-2024 оқу жылында атқарылған әлеуметтік-педагогикалық жұмыстардың есебі;

9. Әр түрлі мәселеде түрлі ұсыныстар айтылып шешім шығарылды.