№80 IT мектеп – лицейінің ұйымдастыруымен  жазғы демалысты тиімді өткізу мақсатында кітап оқудан сайыс басталды. Сайысқа бастауыш сынып 1- 4  және  5 -11 сынып  оқушыларын қатысуға шақырамыз. Ал жеңімпаздар мен қатысушыларға қомақты сыйлықтар берілмек. 

« Ebook 80» сайтында осымен үшінші рет ұйымдастырылып отырған "Тұлға болам" атты кітап оқу сайысы жайлы кеңірек ақпарат береді.

     Кітап оқу сайысы "Оқуға құштар мектеп" жобасы аясында өтеді. Əр топтың кітабы және жүлдесі бөлек. Сайысқа қатысушылар қазақ классиктері мен әлем классиктері кітабын оқып жарысады. Қатысушылар 15 маусымнан, 15 тамызға дейін кітапты оқып бітіруі тиіс. Бастауыш буындар да осы уақыт аралығында оқыған ертегілеріне таныстырылым жіберуі шарт. Оқушылардың жас ерекшеліктеріне сай мына кітаптар беріліп отыр:

1-2 сыныпқа – ертегілер топтамасынан 10 ертегі оқып, 2-3 минуттық ролик  арқылы оқыған ертегілерін таныстыру. Талапқа сай жұмыстар ғана қабылданады.

3-4 сыныпқа – Бауыржан деген бала бар (Әлдихан Қалдыбаев) 2-3 минуттық ролик  арқылы оқыған шығармасын таныстыру. Талапқа сай жұмыстар ғана қабылданады.

5-7 сыныпқа – Сүлеймен патшаның кеніші ( Хаггард Генри)

8-11 сыныпқа – Сүлеймен қарақшы ( Момбек Әбдәкімұлы)

5-11 сыныптар үшін әр кезеңнің соңында кітап бойынша 30 сұрақтан тұратын онлайн-тест өтеді. Ал онлайн-тестіге 30 минут уақыт беріледі.

  Байқаудың шарты : (1-4 сыныптар үшін)  отбасыңызбен бірге оқып, фотосуреттермен қоса кітаптан алған әсеріңізбен бөлісе отырып,фейсбук әлеуметтік желісіне жариялап, сілтемесін төмендегі ватсап номеріне жіберіп отырыңыздар!

     Жүлде қоры:

Бастауыш буындарына:

орын – 10000т

орын – 5000т

орын – 2000т

Орта буындар үшін:

орын – 10000т

орын – 5000т

орын – 2000т

Жоғары буындар үшін:

орын – 10000т

орын – 5000т

орын – 2000т

Тамыз айының 15-не барлық жүлдегерлер анықталып, жеңімпаздарды марапаттаймыз және әлеуметтік желіге жарияланады.

8(778)-702-30-00

№80 IT мектеп-лицейінде 08.11.2023ж қазіргі күнде белең алып тұрған қызылша ( корь)  ауруының алдын-алу мақсатында №3 қалалық  ауруханасының дәрігерлерімен кездесу өтті. Кездесуге мектебіміздің 8-сынып оқушылары қатысты. Қызылшаға қарсы санитарлық-эпидемиялық және санитарлық-профилактикалық түсіндіру жұмыстарын №3 қалалық ауруханасы дәрігер мамандары Д. А. Сатқулова, Қ.А. Қожан,  Қ. А. Шерхан жүргізді. Дәрігер-эпидемиолог А. Д. Сатқулова "Қызылша деген не?"  тақырыбында презентация арқылы түсіндіріп өтті. Иммунолог Қожан Айжамал Қулмурзақызы қызылша ауруының алдын алу жайлы баяндама жасады. Педиатр Шерхан Ақмарал Қайратқызы "Қызылшаға қарсы екпе алу"  туралы жан- жақтама түсіндіріп өтті. Дәрігер-мамандар оқушылардың ауру жайлы қызықтырған сұрақтарына жауап берді.

ПЕДКОНСИЛИУМ – АТА-АНАЛАР МЕН МҰҒАЛІМДЕР БАЙЛАНЫСЫНЫҢ ЕРЕКШЕ ФОРМАСЫ

Шымкент қаласы №80 IT мектеп-лицейінде балаларға арналған І тоқсан қорытындысымен ата-аналар мен ұстаздар арасында педконсилиум болып өтті. Ата-аналар І тоқсан бойынша балаларының оқу үлгірімімен танысты. Белгілі бір пән бойынша сұрақтары бар ата-аналар өз балаларына сабақ беретін пән мұғалімдерімен жүздесіп, олардың білім деңгейі, әр жазба жұмысының нәтижелері мен тоқсан қорытындылары, мінез-құлқы туралы пікір алысты. Ұстаздар өз тарапынан алдына келген әр ата-ананың сұрақтарына жауап беріп, баласының сабаққа ынта-ықыласы, қызығушылығы, жауапкершілігі т.с.с. мәселелер туралы пікірлерін білдірді. Ата-аналар проблемалық мәселелері, өздерін толғандырып жүрген сұрақтарына жауап тапты.

Екіжақты түсінушілікпен өткен педконсилиум оқушылардың білім-білік дағдыларын жетілдіру мақсатына құрылды. Ата-аналар ерекше формада ұйымдастырылған іс-шараға және мектеп басшысы Б.Қ.Абдишукуроваға ризашылықтарын білдіріп тарасты.Білім беру ұйымдарындақ ата-аналарды педагогикалық қолдау орталығының жоспарына сәйкес алдағы уақытта да мұндай іс-шаралар өз жалғасын табатын болады.

 «ТОҒЫЗ АЙҒА – 9 ІС-ШАРА» жобасы іс-шаралар жоспары негізінде оқу жылының қазан айы «Әнұран айту» айы болып бекітілген. Осыған орай Республикалық челлендж мектебімізде өз жалғасын тапты.

Әнұран - Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі.Еліміздің рәміздері  әр азаматтың патриоттық сезімін биікке көтеріп тұратын, рух  беретін ажырамас бөлігі. 

Еліміздің айқын белгісін көрсететін,елдігімізді әлемге танытатын әнұранымыз жасай берсін!          

Әрқашан да көк байрағымыз көкте қалықтап, әнұранымыз әлемнің  биік мінберлерінде,жеңіс тұғырларында шырқала берсін!

Осыған орай, N80 IT мектеп-лицейінде 25 қазан Республика күніне орай мектеп оқушылары арасында «ӘНҰРАН АЙТУ» Республикалық челленджі орындалды.

Мақсаты: Әнұран туралы түсініктерін нығайту. Рәміздердің пайда болуы және тарихтағы маңызы жайлы түсініктерді дамыту. Отан сүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

#Біртұтас_тәрбие