Қазақ ғылымы мен әдебиетіне, мәдениетіне өлшеусіз үлес қосқан Ақселеу Сейдімбектің 80 жылдық мерейтойы Шымкенттегі жазушы атындағы №80 IT мектеп-лицейінде өтті. «Тәуелсіздіктің 30 жыл; Білім мен Ғылым дамуындағы бағдар мен белес» атты Инвент - жобасына арнайы ғалым, әдебиет, білім саласының майталмандары қатысты.

Келген қонақтарды 150 оқушыдан құралған ұлттық аспаптар оркестрі қос ішектің күмбірімен қарсы алды.  Ұлттық құндылықты ұлықтап жүрген ұжымның жаңашылдығымен де танысты. Жас суретшілер галереясы, жасөнерпаздар үйірмесі, қолөнер туындыларының көрмесімен танысты. Ақселеу Сейдімбек атын иемденген білім ошағының да өзгешелігі осы. "Өзіндік қасиеттен айырылған ұлт өледі. Ұлтты өлтірмейтін оның төлтума мәдениеті ғана. Сондықтан, азапты өмірді тәңірдің сыбағасына балай жүріп, өткеннің асылдары болашақ ұрпақтың жан-жүрегін жылытуы үшін қол жалғап жіберуіміз қажет-ақ". Ұлт жанашырының бұл сөзі болашаққа бағытты айқындап бергендей.

Сәуле Қалибекова - А. Сейдімбек атындағы №80  IT мектеп-лицейінің  директоры

Белгілі жазушы Ақселеу  Сейдімбек жазушы, әдебиет зерттеуші, ғалым, филология ғылымының докторы  халқына мол мұра қалдырған жан. 8 монография, бірнеше тарихи-әдеби еңбек пен оқу құралдарының , 400-ден аса ғылыми мақаланың авторы. Халқын ерекше сүйген, ұлтжанды жазушының шығармашылығының шоқтығы биік. Берері мол.  

СПИКЕР: Жауынбай  Қараев - ғалым, Халыққа білім беру ісінің үздігі

Іс-шараны өткізуге мектеп ұжымы мықтап дайындалған. Арнайы тәжірибелік сабақтар, тәрбие сағатын өткізді. Тақырып сан-алуан.

Болатбек Тілеубердиев - М. Әуезов атындағы ОҚУ профессоры, филология ғылымдарының докторы 

Жиынға келушілер оқушылар дайындаған арнайы концерттік бағдарламаны тамашалады. Іс-шара қонақтары ұлт жанашыры Ақселеу Сейдімбектің үлгі болар өмірі мен шығармашылығы туралы ой толғады. Саналы ғұмырын ел ертеңінің жарқын болуына арнаған өр тұлғаның есімі дәріптеген мектеп ұжымына алғысын білдіріп, дайындығын жоғары бағалады.