📚БІЛІМ БАСТАУЫ-БАСТАУЫШТА

МЕНІҢ АТЫМ ҚОЖА

Шымкент қаласы білім басқармасына қарасты №80 ІТ мектеп-лицейінде бастауыш сыныптар апталығының  «Білім бастауы — бастауышта» тақырыбындағы онкүндіктің ашылуына орай  «Менің атым Қожа» атты оқуға құштарлыққа бағытталған іс-шара болып өтті.

3-сыныптар арасында ұйымдастырылған бұл сайыс өте қызықты да мазмұнды өтті. Оқушылар жазушы Бердібек Соқпақбаевтың өмірі мен шығармашылығы туралы мәліметтер айтып, кейіпкерлерге еліктеп ән айтып, оқыған шығарма бойынша сұрақтарға жауап берді.

Іс-шараны К.Айматова  мен К.Курбанова ұйымдастырды. 

Шараның басты мақсаты – оқушыларды кітап оқуға, әдебиетке қызықтыру, рухани дамуға шақыру болды.

Бұл сайыс арқылы оқушылар Қожаның бейнесі арқылы адалдық, тәртіп, еңбексүйгіштік сияқты қасиеттердің маңызын түсініп, кітап әлеміне деген сүйіспеншіліктерін арттырды.